Traballando desde a casa

Tarefa 3 de abril 2020.

👱👧Queridos tunantiños e tunantiñas:

Xa finalizamos este 2º trimestre  que empezou moi ben e que rematou dunha forma inesperada. Verdade?
Eu quería darvos as grazas porque sei que estivestedes traballando moito desde a casa, tanto nas tarefas do cole como axudando no fogar e  portándovos xenial. 

Moitos aplausos e bicos para  vós👏👏👏👏👏👏👏👏👏👏👏👏

Agora comezan as vacacións da Semana Santa e teredes tempo para descansar, xogar e coller forzas xa que volveremos o martes, 14 de abril.

Durante estes días de vacacións,  eu estarei preparando material para o blog, publicando as fotos que me enviedes e disposta a escoitaros por si decidides falar conmigo.

E como podedes comunicarvos conmigo? Pois moi fácil: empregando un medio interpersonal de comunicación que é o correo electrónico (lembrades?).
A continuación explícovos como se fai esta tarefa, aínda que hai algúns nenos e nenas que xa me escribiron pero eu quero saber como estades todos e todas. Para facer esta actividade  podedes pedirlle axuda a un familiar da casa. Biquiños e vémonos á volta.

😘Sali.

📝Ciencias sociais. A tarefa de hoxe consiste en escribirme un correo electrónico.

• Prazo: desde hoxe ata o 13 de abril.
• A dirección do correo é ostunantes@gmail.com. 

Que podes escribir?:

• Como estades e que botades de menos.
• Que fixestes nestes días.
• Que vos parece estar de corentena.
• Que facedes para divertirvos.
• Que vos gustaría que fixésemos.
• E todo o que queirades.

Tedes que escribir vós , aínda que teñades faltas de ortografía.

E para rematar. Onte día 2 de abril foi o día do Libro Infantil e así que vos deixo aquí un enlace por se queredes pasar un ratiño escoitando estes contos de Kaladraka🔝

👨👩FAMILIAS:

Hoxe ou mañá publicaremos neste blog e  no blog grupal de 2º(  enlace ) as instruccións para acceder aos libros dixitais da Editorial Santillana e da Editorial Anaya. Recibiredes a través de Abalar ou por correo electrónico a clave de acceso para rexistraros. Voltaremos o 14 de abril, continuaremos cos libros e explicaremos os novos cambios que imos introducir. Un saúdo.

Sali