1 de abril

🌷🌷A PRIMAVERA.🌷🌷

Ola tunantiños e tunantiñas:

Como xa sabedes a primavera comezou o 20 de marzo e hai días que chove e outros que vai calor. Así é a primavera! Nalgunhas ocasións prodúcese un fenómeno visual  llamado "arco da vella" , que seguramente coñeceredes moi ben.  Hoxe imos traballar aspectos relacionados coa primavera así que imos arrincar.

📗CIENCIAS DA NATUREZA.
Ver o vídeo do arco da vella.
Fíxate como se produce o arco da vella e as cores para facer despois as actividades das linguas. Contestar oralmente a estas preguntas: Que será un arco da vella lunar? Hai máis cores no arco vella?
📘📙 LINGUAS.
Dúas opcións.

• Descargar o pdf e facer as actividades.👇 Abaixo
• Copiar na libreta.

Na primeira actividade fai un debuxo da primavera ou do vídeo. Tamén podedes decorar os renglóns con cores. Non vos esquezades de empregar boa letra.
📕MATEMÁTICAS.
Resolver estes problemas baseados na primavera. Le varias veces, rodea os datos, calcula e non te esquezas de escribir a solución.

PREME PARA VER O PDF

🎵🎵MÚSICA.🎵🎵
E por último escoitamos a Vivaldi e a súa Primavera.

📌Unha vez feitas todas as tarefas podedes comprobar no Solucionario se están ben fritas.
✂E como manualidade déixovos unhas flores de cores para celebrar a primavera. Preme no  ENLACE.
Aquí unha foto da primavera na miña casa.

Que estou a facer?

🐣Coidando a un pitiño🐣

A pesar de que esteamos en corentena, pechadiños e pechadiñas na casa, a natureza segue o seu curso e nacen preciosidades como este pitiño que nos presenta a nosa compi. Mirade que bonitiño! Será un mamífero, un peixe, un anfibio..? Non é unha ave, con as súas ás, peteiro.. e as súas plumas. Lindo!

🐤🐤🐥🐥

Música.

🎵🎵MÚSICA🎶🎶

Hoxe tiñamos música e case se me olvida de que tedes que pasar polo blog da profe Elena. PREME para acceder.

Traballando desde a casa

Martes, 31 de marzo.

Bos días tunantiñas e tunantiños:

Como ides? Espero que moi ben.

Hoxe faremos unhas tarefas moi divertidas de Lingua Castelá e de Matemáticas propostas pola profe Paloma.

Comezamos o día con:
📘LENGUA CASTELLANA.
Somos detectives. Para resolver a misión tedes que clicar aquí👉.🔎🔎

📕MATEMÁTICAS.
Realizar as seguintes actividades. Dúas opcións.
a) Descargando o pdf . PREME.
b) Copiando na libreta . Para iso tedes que poñer a data curta e "Matemáticas". Tamén é necesario escribir con boa letra.
Por certo, tedes unha pequena sorpresa no pdf.


📰INGLÉS.
Accedendo ao blog de Inglés.

Por último, unha vez rematadas todas as actividades, poderedes acceder ao  solucionario de Matemáticas.

Luns, 30 de marzo

Luns, 30 de marzo.

Tunantiños e tunantiñas:
Iniciamos a derradeira semana antes das vacacións da Semana Santa. Quería darvos as grazas polo esforzo que estivestedes facendo estos días cos repasos trimestrais, bravo!!
Hoxe faremos:
🆎LINGUA GALEGA
cun  traballo proporcionado pola profe María.PREME aquí. Podes descargar a ficha ou copiala na libreta.
📗INGLÉS.
Pasar polo blog de inglés👉
🌳NATUREZA.
E por último, podedes empregar o móbil, se vos deixa a familia, e buscar animais en 3 D. Como se fai?
a) Tecleas o nome do animal que queiras, por exemplo: oso, águila, gato, pato, erizo, oso panda, pulpos, tiburón, pulpo, lobo..(non están todos os animais)
b) Busca a opción "Ver 3D"
c) Se pode mover cos dous dedos pola pantalla.
d) Tamén hai unha opción de facer unha foto, pero depende de cada móbil.

 

Familias de 2ºB

Prezadas familias de 2°:

Hoxe tiñamos pensado iniciar o 3° trimestre pero debido a que hai alumnos/as que teñen algúns  libros no cole, que precisamos activar as licencias dos libros dixitais e seguindo as ordes da Consellería de Educación, as titoras de 2° decidimos iniciar o 3° trimestre á volta da Semana Santa.
Durante esta semana seguiremos afianzando aspectos como as unidades de medida, ortografía, cálculo,  comprensión.. que son capacidades básicas para o alumnado.
Á volta das vacacións continuaremos progresando no currículo de 2° e intentaremos incorporar aqueles alumnos e alumnas que aínda non temos noticias de eles/as.
📣📣Importante:  por favor, que todas as familias teñan instalada a aplicación  Abalar no seu móbil para recibir as cualificacións do 2° trimestre.

Moitas grazas pola vosa comprensión.

As titoras 2º 

Que estou a facer?

🎈REPORTEIRA, CORTANDO O CÉSPEDE....🎈

Boas! Hoxe ides ver a unha rapaciña que se estrea nesta sección de Que estou a facer? E vaia estreo!! Enviounos unhas fotos do que estivo a facer durante toda a semana e o increíble é que lle dera tempo a realizar todas estas actividades. 

Por certo, mandámoslle desde aquí un gran bico e abrazo virtual porque estivo de aniversario. Parabéns, tunantiña!!

Cortando o céspede.

 

 

 

 

 

Reporteira dicharachera

 

Facendo as tarefas no seu espazo de traballo

Preparando a torta de aniversario.

Moitísimas felicidades, amiguiña!!!🎉🎉🎉

Que estou a facer?

😃😃UNHA MENSAXE PARA TODOS E TODAS!!😃😃

Esta rapaciña acórdase moito de todos e de todas vós  e dedícavos unhas fermosas palabras de ánimo ante esta situación tan excepcional .

Grazas por acordarte de nós, amiguiña!

Nós tamén lembramos o tempo que estivemos todos e todas xuntiños/as.

Ánimo, un día menos!💙

Que estou a facer?

🐊🐊FACENDO UNHA PÍNTEGA🐊🐊

Que vos parece a imaxe que hoxe temos aquí?👇👇

O noso compi estivo moi ocupado amasando barro, dándolle forma, pintando e saíronlle estes animais tan auténticos: unha píntega, unha xirafa, un golfiño.... 

Preciosos,non si?

Venres, 27 de marzo.

📑📑Traballando na libreta.📑📑

Ola, tunantiños e tunantiñas:

Para hoxe as profes de 2º temos organizado unhas pequenas actividades para aprender a organizar a libreta. 

E para que nos serve isto? Pois para cando esteamos en 3º!!! Pero tamén para ser máis ser  ordenados ou ordenadas nas nosas tarefas escolares.

Aquí vos deixamos a actividade confeccionada pola profe Paloma. Fai clic na foto.

Seguimos conectados e conectadas. Biquiños.

 

Que estou a facer?

🧩🧩UN CREBACABEZAS DA TORRE EIFFEL🧩🧩

Ola, nesta ocasión a nosa compañeira ensínanos o que estivo a facer coa súa familia:💥💥un crebacabezas en tres dimensións da Torre Eiffel💥💥

Preciosísimoooo. Se queredes saber máis desta construcción francesa, fai clic aquí.

Merci beaucoup, mademoiselle!

Xoves, 26 de marzo

Xoves, 26 de marzo.

Ola tunantiños e tuñantiñas:

Hoxe imos facer unha cousa totalmente diferente. No cole tamén temos clase de relixión e valores,  por iso traemos unha actividade proporcionada pola profe Ana.  Tedes que ver este vídeo e contestar as seguintes preguntas

Que vos parece? Sinxelo e interesante, verdade? Pois comezamos.

🔅Visionado do vídeo.

🔆Despois de ver o vídeo, contesta ás seguintes preguntas:

• Por que o protagonista non pode beber ou xogar?
• Como crees que sente o protagonista? 
• Por que crees que sente así?
• Por que crees que é capaz de atravesar o valo?
• Por que crees que lle axudan os amigos?
• Por que desaparece o valo?
• Que actitudes dos demais fanche sentir mal?
• Que aprendes deste vídeo?

Que estou a facer?

💁💁SON UNHA ARTISTAZA ACRÓBATA.💁💁

Que sorprendente capacidade ten esta rapaza para facer o pino en calquer recuncho da casa. Xa me gustaríame a min ter esa flexibilidade e axilidade.

Ai! FANTÁSTICO, mociña!!👏👏👏

 

💓💓ÁNIMO 2ºB💓💓

O profesorado do CEP Fleming envíavos unha mensaxe de ánimo. Clica na imaxe e verás.

Mércores, 25 de marzo

COMO IDES?

Ola! Estes días estades a traballar moi ben. Felicitacións! 💖💖

Ata o venres tedes tempo para rematar as tarefas que vos presentamos o luns (clica) e non vos esquezades de pasar polo blog de música e de inglés.

O luns xa cambiaremos a forma de traballar e mentres esperamos a que todos e todas rematen as tarefas, déixovos aquí unhas actividades (voluntarias) para practicar a redacción e o cálculo.

Tamén atopei unhas manualidades que son moi fáciles de facer e que podedes levar á práctica.

E como sempre, encántame recibir as vosas fotos de Que estou a facer?

Un biquiño

🆎LINGUA.

Para facer na libreta, con boa letra e empregando as MAIÚSCULAS!!

Dúas opcións:

⏩ Facer un miniconto con todas estas imaxes e cun debuxo da historia.

Un neno/unha nena-un robot-unha nave espacial-un extraterrestre.

Primeiro debes elixir unha frase para comezar, outra para continuar e unha para rematar.

• Como comezar: Fai moitos anos.....Nun país lonxano.....Había unha vez....

• Como continuar: De repente....De pronto.....Un día...

• Para rematar:Finalmente...Ao final....E colorín, colorado....

⏩Inventar unha criatura fantástica. Escribir as súas característas e despois debuxala. Xa sei que sodes moi creativos e creativas.

• Como se chama:
• Como é (descripción física):
• Como é o seu carácter:
• Onde vive:
• Que lle gusta comer:
• Que lle gusta facer:
• Como se despraza:
• Detesta:
• Curiosidades (se ten poderes máxicos):

🎲MATE.

• Ficha de cálculo. Podedes facela na libreta ou premendo AQUÍ.
• Dictado de números ata o 900.
• Cálculo rápico a través desta actividade interactiva. PREME

Exemplo de manualidades feitas con material de reciclaxe (Preme na imaxe)

 

Que estou a facer?

🔝🔝PINTANDO COAS ACUARELAS🔝🔝

A nosa compi nos presenta estes estupendos debuxos feitos con acuarelas e dedicados a todos/as tunantiños e tunantiñas. Preciosos! Moitas grazas, amiguiña. 

Continúa pintando e compartindo!!😊😊

BLOG DE MÚSICA.

🎵🎵Música: semana do 23 ao 27 de marzo.🎵🎵

Ola! proposta de tarefas para esta semana no blog de Música. CLICA para acceder ao enlace.

Que estou a facer?

😀😀SON PROFE😀😀

Temos noticias (novas) dunha compañeira que lle encanta os animais mitolóxicos e tamén lle gusta explicar as restas con levadas aos seus alumnos/as. Estes alumnos/as están moi atentos/as e non din ni mu👀👀
Despois da clase é preciso saír ao balcón e aplaudir para solidarizarnos con todos e con todas.

Verdade?😍

  

💫💫REPASAMOS AS 5 ÁREAS.💫💫

Tarefas desde o luns 23 ata o venres 27 de marzo

NOTA RECTIFICADA.

Debido a que hai algunhas familias que  non teñen impresora e que as actividades poden levar máis tempo do previsto, as titoras de 2º ampliamos o prazo para a entrega das tarefas ata o venres 27 de marzo.

Estes  pfs  son un resume do traballado durante este trimestre.

Podedes descargalos, copialos nun caderno ...Unha vez rematados, se queredes, podedes envialos aos correos das titoras que están no lado esquerdo do blogue. 

NO SON AVALIABLES.

🔊🔊Nota: O mércores ou xoves subiremos algún vídeo ou material para aqueles nenos e nenas que vaian rematando.

Ánimo. 

Biquiños.

Fai CLIC nas diferentes imaxes para poder descargalas.

Que estou a facer?

✨✨ARRANXANDO O MIÑA HABITACIÓN.✨✨

Un tunantiño está realizando unha actividade habitual pero que é difícil de facer ben para ter un fantástico descanso nocturno. Fixádevos nos diferentes pasos para facer ben á cama. Quedou xenial e aínda temos tempo para xogar.

Moi ben feito, compi!!😍😍😍😍

Que estou a facer?

🌈🌈TODO VAI SAÍR BEN.🌈🌈

Ola! Mirade que preciosidade fixo o noso compi e a súa familia para decorar as ventanas da súa casa. Unha mensaxe que compartimos todos e todas.

 Ánimo e forza!!💪

Que estou a facer?

🐶🐶UN CANCIÑO DE PAPEL🐶🐶

Ola! Como ides? Estades a facer moitas cousas? Pois aquí temos a nosa compi que nos ensina a súa manualidade.É precioso, verdade? 💗
Vos animades a facer outro animaliño? Xa temos unhas gaivotas, un canciño, a miña gata que anda por aquí...

Un biquiño, tunantiños e tunantiñas.

ATENCIÓN PARA A SEMANA.

AVISO IMPORTANTE.

Esta semana estivemos repasando e reforzando os contidos traballados no 2º trimestre.

• O luns, 23 de marzo subiremos  cinco pdf que tiñamos pensado realizar durante a semana do 21-28 de marzo no cole.
• Os nenos e as nenas poderán facelos durante o luns e o martes.
• NON SON AVALIABLES pero sérvenos para afianzar o traballado durante este segundo trimestre. 
• Logo, se queredes, podedes enviar unha foto ou pdf ao correo ostunantes@blogspot.com
• O mércores, seguiremos traballando.

2º.

Que estou a facer?

🐱🐱OBSERVANDO A MIÑA GATIÑA🐱🐱

Como xa comentei na primeira entrada desta sección eu tamén compartiría o que estaría a facer. Esta semana estiven traballando co ordenador, limpando e espiando o que facía a miña gatiña.

• Na primeira imaxe está intentando cazar unha mosca ou araña na terraza. Ao final, conseguíuno.

• E déixovos un vídeo para que vexades como fai deporte co fío da cortina (eu estaba a limpar e ela a enredar practicando boxeo). É terrible!! Xa vos contarei algunha cousa máis desta gatiña deportista.

Bicos.

Que estou a facer?

🧩🧩FACENDO UN CREBACABEZAS🧩🧩

Mira que é unha boa idea facer un crebacabezas, comezas polo marco, logo continúas polo interior buscando as pezas... ata completalo. Así o fixo o noso compañeiro cun crebacabezas de 500 pezas!!. Fantástico! 

Trátase dun cadro de Van Gogh (por se queredes saber máis  deste pintor clica aquí).

                           

Que estou a facer?

🐦🐦UN AVIARIO DE GAIVOTAS🐦🐦

Mirade que fantástico aviario de gaivotas fixo un compañeiro de clase. As gaivotas están moi ben logradas e o aviario  ten nove vértices!!😀

Este rapaciño é moi inxenioso. Viva!!!

Que estou a facer?

👫👫Limpando o salón👫👫

Xa levamos uns días en casa e por iso é moi importante manter a orde e a limpeza. Aquí temos unha imaxe de dous irmáns que están a axudar para que todo estea perfecto. Pero que é o que vexo?👀👀😳 Un  aspirapelos!!! Non, é un faicoletas!!!😂

Descansando.

XOVES, 19

Bos días, tunantes e tunantas!
Hoxe é día de descanso e mañá tamén,  así que non publicarei ningunha actividade escolar para realizar,  soamente na sección Que estou a facer?
Déixovos unhas ideas que podedes practicar nestos días ata o luns. Por certo, o luns faremos un repaso trimestral das diferentes áreas, así que podedes repasar o traballo deste trimestre cos libros e cos xogos,  que xa publicamos.

💝Actividades posibles:

•  Xogos de lapis e papel como os propostos por esta instagramer @iteachandplay

Tutti frutti

Os ceros

• E outros como: os barquiños, o aforcado, tres en raia...VER 
• Tamén construír algunha manualidade como propón este enlace. CLICA 
• E se queredes xogar a un Pasapalabra hai moitos en internet como este de Orientación Andújar. FAI CLIC AQUÍ.
• Manualidades deste libro en pdf . PREME AQUÍ.
• Ou unha manualidade feita cos tubos de papel hixiénico. Animais vertebrados ou invertebrados (unha bolboreta) 

E antes de rematar, moitas grazas familias polo apoio destes días. Ánimo!